പാലാ: പൊതുനിരത്തിൽ നിർമ്മാണ സാമഗ്രികൾ അലക്ഷ്യമായി കൂട്ടിയിട്ടതിനെത്തുടർന്ന് മാർത്തോമ്മാ ചർച്ച് റൂട്ടിൽ ദിവസങ്ങളായി ഗതാഗത തടസ്സം. മാർത്തോമ്മാ ചർച്ച് റോഡിൻ്റെ പ്രവേശകവാടത്തിങ്കൽ മെറ്റൽ കൂട്ടിയിട്ടതിനെത്തുടർന്ന് ഒരു വശത്തുകൂടിയുള്ള ഗതാഗതം സാധ്യമല്ലാതായിട്ടു ദിവസങ്ങൾ പിന്നിട്ടു. കഷ്ടിച്ചു രണ്ടു വാഹനങ്ങൾ കടന്നു പോകാൻ മാത്രം ഇടയുള്ള മുനിസിപ്പൽ റോഡിലാണ് ഈ പരാക്രമം.
ചാവറ പബ്ളിക് സ്കൂളിലേയ്ക്ക് വിദ്യാർത്ഥികളെ എത്തിക്കാൻ രാവിലെയും തിരികെ കൊണ്ടുപോകാൻ വൈകിട്ടും നിരവധി വാഹനങ്ങൾ കടന്നു പോകുന്ന വഴിയിലാണ് ഇത്തരത്തിൽ സാമിഗ്രികൾ ഇറക്കി ഗതാഗത തടസ്സം സൃഷ്ടിച്ചിരിക്കുന്നത്. സൺ സ്റ്റാർ ഹോട്ടൽ, മാർത്തോമ്മ ചർച്ച്, കവീക്കുന്ന് തുടങ്ങിയ സ്ഥലങ്ങളിലേയ്ക്ക് പോകുന്നവർക്കും ഈ നടപടി ബുദ്ധിമുട്ട് സൃഷ്ടിക്കുന്നു. കാൽനടക്കാരും ദുരിതത്തിലായി.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.