പാലാ : ടൗണില്‍ വീണ്ടും തെരുവ് നായ്ക്കളുടെ ശല്യം രൂക്ഷമാകുന്നു. ടൗണിന്റെ പ്രധാന സ്ഥലങ്ങളിലെല്ലാം തെരുവ് നായ്ക്കളുടെ കൂട്ടമായി എത്തുന്നത് നാട്ടുകാര്‍ക്ക് ഭീതി വിതക്കുകയാണ്. രാവിലെ നഗരത്തിലൂടെ നടക്കാന്‍ എത്തുന്നവരെ നായ്ക്കള്‍ ആക്രമിക്കുന്ന സംഭവം പതിവാണ്. സ്റ്റേഡിയം ജംഗ്ഷനിലും, മുനിസിപ്പല്‍ കോംപ്ലക്‌സിന്റെ പിന്‍ഭാഗത്തുമാണ് നായ്ക്കള്‍ പകല്‍ സമയത്ത് കൂട്ടമായി കാണുന്നത്. പരസ്പരം കടിപിടി കൂടുന്നതും കാല്‍നടക്കാര്‍ക്ക് നേരെ കുരച്ച് ചാടുന്നതും പതിവായിരിക്കുന്നത്. തെക്കേക്കര, മുരിക്കുംപുഴ, പാരലല്‍ റോഡ്, കെഎസ്ആര്‍ടിസി, കട്ടക്കയം റോഡ് എന്നിവിടങ്ങളിലെല്ലാം തെരവുനായ്ക്കളുടെ ശല്യം ഏറിയിട്ടുണ്ട്. ഇരുചക്രവാഹനങ്ങലുടെ പുറകെ നായ്ക്കള്‍ ഓടുന്നത് പലപ്പോഴും അപകടങ്ങള്‍ക്ക് ഇടവരുത്തുന്നുണ്ട്. നായ്ക്കളെ മുട്ടി ബൈക്കുകള്‍ മറിയുന്ന സാഹചര്യവുമുണ്ട്. അധികൃതര്‍ ഉടന്‍ നടപടി സ്വീകരിക്കണമെന്ന് പാലാ പൗരസമിതി ആവശ്യപ്പെട്ടു. പി. പോത്തന്‍, സേബി വെള്ളരിങ്ങാട്ട്, രാജു പുതുമന, സോജന്‍ ഇല്ലിമൂട്ടില്‍, ബേബി കീപ്പുറം, ജെയിംസ്, ജോയി ചാലില്‍ എന്നിവര്‍ സംസാരിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.