ചേർപ്പുങ്കൽ: പരീക്ഷ എഴുതാൻ എത്തിയ വിദ്യാർത്ഥിനിയെ കാണാതായി. കുട്ടി ആറ്റിൽ ചാടിയതായി സംശയം ഉയർന്നതിനെത്തുടർന്നു വിദഗ്ദർ മീനച്ചിലാറ്റിൽ പരിശോധന നടത്തി വരികയാണ്.
കാഞ്ഞിരപ്പള്ളി പൊടിമറ്റം സ്വദേശിനിയായ കുട്ടി പരീക്ഷ എഴുതാൻ ചേർപ്പുങ്കലിൽ എത്തിയതായിരുന്നു. പരീക്ഷയ്ക്കിടെ ഹാളിൽ നിന്നും പെൺകുട്ടിയെ ഇറക്കി വിട്ടതായി ആക്ഷേപമുയർന്നിട്ടുണ്ട്.
ഇന്നലെയാണ് ബി കോമിനു പഠിക്കുന്ന പെൺകുട്ടി പരീക്ഷ എഴുതാൻ ചേർപ്പുങ്കലിൽ എത്തിയത്. വൈകിട്ടു വീട്ടിലെത്താതിരുന്നതിനെ തുടർന്നു വീട്ടുകാർ പോലീസിൽ അറിയിക്കുകയായിരുന്നു.
തുടർന്ന് നടത്തിയ പരിശോധനയിൽ ചേർപ്പുങ്കലിലെ ഒരു കടയിലെ സിസിടിവി ക്യാമറയിൽ കുട്ടി നടന്നു പോകുന്ന ദൃശ്യം പോലീസ് കണ്ടെടുത്തിട്ടുണ്ട്. പാലം കടന്നു പോയ പെൺകുട്ടി തിരികെ നടന്നു പോകുന്ന ദൃശ്യമാണ് പോലീസ് ശേഖരിച്ചത്.
കുട്ടിയുടെ ചെരുപ്പുകളും ബാഗും പണവും ആറിനു സമീപത്തു നിന്നും കണ്ടെടുത്തതിനെ തുടർന്നാണ് പോലീസിൻ്റെ നേതൃത്വത്തിൽ മീനച്ചിലാറ്റിൽ തെരച്ചിൽ ആരംഭിച്ചത്. പെൺകുട്ടിയുടെ നാട്ടുകാരും തെരച്ചിലിൽ പങ്കെടുക്കുന്നുണ്ട്.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.