പാലാ: പാലാ എം എൽ എ മാണി സി കാപ്പനെ പ്രകീർത്തിച്ച് എം പി മാർ. ഗ്രീൻ ടൂറിസം സർക്യൂട്ടിൻ്റെ ഉദ്ഘാടനവേദിയിലാണ് എം പി മാരായ ജോസ് കെ മാണിയും തോമസ് ചാഴികാടനും മാണി സി കാപ്പനെ പ്രകീർത്തിച്ചത്. എന്നാൽ എം പി യുടെ ഔദ്യോഗിക ഫേസ്ബുക്ക് പോസ്റ്റിൽ എം എൽ എ മാണി സി കാപ്പൻ്റെ പേര് ഒഴിവാക്കുകയും ചെയ്തിട്ടുണ്ട്.
ഗ്രീൻ ടൂറിസം പദ്ധതി തുടങ്ങിയത് കെ എം മാണി ആണെന്നു പറഞ്ഞ ഇരുവരും പദ്ധതി പൂർത്തീകരിക്കാൻ മാണി സി കാപ്പൻ നടത്തിയ ഇടപെടലുകളെ പരസ്യമായി പ്രശംസിക്കുകയായിരുന്നു. ആദ്യം സംസാരിച്ച ജോസ് കെ മാണിക്കു പിന്നാലെ സംസാരിച്ച തോമസ് ചാഴികാടനും പദ്ധതി പൂർത്തീകരിക്കാനുള്ള മാണി സി കാപ്പൻ്റെ പങ്കിനെ അഭിനന്ദിച്ചു.
നേരത്തെ പ്രസംഗിച്ച മാണി സി കാപ്പൻ പദ്ധതികൊണ്ടു വന്ന കെ എം മാണിയെ അനുമോദിക്കുകയും അദ്ദേഹത്തിൻ്റെ ഓർമ്മകൾ പങ്കു വയ്ക്കുകയും ചെയ്തിരുന്നു.
യു ഡി എഫ് വിട്ടശേഷവും മാണി സി കാപ്പനും ഇടതുമുന്നണിക്കുമെതിരെ കേരളാ കോൺഗ്രസ് ജോസ് വിഭാഗം നിലപാട് സ്വീകരിച്ചിരുന്നു. ഈ പദ്ധതി നഷ്ടമായെന്നു ജോസ് കെ മാണി പ്രസ്താവന ഇറക്കുകയും ചെയ്തിരുന്നു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.