പാലാ: മനുഷ്യർ മാത്രമല്ല ഭൂമിയുടെ അവകാശികൾ എന്ന തിരിച്ചറിവ് ഉണ്ടാവണമെന്ന് മാണി സി കാപ്പൻ എം എൽ എ പറഞ്ഞു. മഹാത്മാഗാന്ധി നാഷണൽ ഫൗണ്ടേഷൻ ഭൗമദിനത്തോടനുബന്ധിച്ചു സംഘടിപ്പിച്ച ഭൗമദിനാചരണം വൃക്ഷത്തൈ നട്ടു ഉദ്ഘാടനം ചെയ്യുകയായിരുന്നു അദ്ദേഹം.
ലോകത്തിലെ എല്ലാ ജീവജാലകങ്ങൾക്കുംകൂടി അവകാശപ്പെട്ടതാണ് ഭൂമി. മനുഷ്യർ ഭൂമിയെ ദുരുപയോഗിക്കുന്നത് വരുന്ന തലമുറകളോട് ചെയ്യുന്ന പാതകമാണെന്ന് എം എൽ എ ചൂണ്ടിക്കാട്ടി. മാനവരാശിയുടെ നിലനിൽപ്പിന് ഭൂമിയോടുള്ള കരുതൽ അനിവാര്യമാണെന്നും മാണി സി കാപ്പൻ പറഞ്ഞു.
ഫൗണ്ടേഷൻ ചെയർമാൻ എബി ജെ ജോസ് അധ്യക്ഷത വഹിച്ചു. ഭരണങ്ങാനം ഗ്രാമ പഞ്ചായത്ത് മെമ്പർ വിനോദ് വേരനാനി, ജോസ് മുകാല, ജോസഫ് കുര്യൻ, കാതറീൻ റെബേക്ക തുടങ്ങിയവർ സംസാരിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.