കോട്ടയം : ലോക്ഡൗൺ കാലത്തെ വൈദ്യുതി ചാർജ് ബി പി എൽ കുടുംബങ്ങൾക്കെങ്കിലും ഒഴിവാക്കാൻ സംസ്ഥാന സർക്കാർ തയ്യാറാകണമെന്ന് കേരളാ കോൺഗ്രസ് ( എം ) കോട്ടയം ജില്ലാ പ്രസിഡന്റ് സജി മഞ്ഞക്കടമ്പിൽ ആവശ്യപ്പെട്ടു.
ഇപ്പോൾ വൈദ്യുതിചാർജ് കൂടിയിരിക്കുന്നത് ലോക്ഡൗൺ കാലത്ത് കുടുംബാഗംങ്ങൾ എല്ലാവരും വീട്ടിൽ ഇരുന്നതുമൂലമാണ് എന്ന കെ എസ് ഇ ബി യുടെ വിശദീകരണം വാസ്ഥവ വിരുദ്ധമാണെന്നും സജി പറഞ്ഞു.
ലോക്ഡൗൺ കാലത്ത് വീട്ടിൽ തന്നെ ഇരിക്കണമെന്ന് കേന്ദ്ര , സംസ്ഥാന സർക്കാരുകൾ പറഞ്ഞതിന്റെ അടിസ്ഥാനത്തിലാണ് എല്ലാവരും വീട്ടിൽ തന്നെ കഴിച്ചു കൂട്ടിയത് എന്നിരിക്കെ കെ എസ് ഇ ബി നടത്തിയിരിക്കുന്നത് തീവെട്ടികൊള്ളയാണെന്നും സജി ആരോപിച്ചു.
കേരള യൂത്ത് ഫ്രണ്ട് (എം) കോട്ടയം ജില്ലാ പ്രസിഡന്റ് ഷിജു പാറയിടുക്കിലിന്റെ നേതൃത്വത്തിൽ കോട്ടയം കെ എസ് ഇ ബി സബ് ഡിവിഷണൽ ഓഫീസ് പടിക്കൽ ചൂട്ടുകറ്റ കത്തിച്ചു കൊണ്ട് നടത്തിയ പ്രതിഷേധ ധർണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
യൂത്ത് ഫ്രണ്ട് ( എം) സംസ്ഥാന ജനറൽ സെക്രട്ടറി ജോയി സി കാപ്പൻ, ജില്ലാ ജനറൽ സെക്രട്ടറി അഭിലാഷ് കൊച്ചുപറബിൽ, ഷിമ്മി ജോർജ് , സഞ്ജു വർഗ്ഗീസ്, തുടങ്ങിയവർ പ്രസംഗിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.