പാലാ : ചേര്‍പ്പുങ്കലില്‍ പരീക്ഷാഹാളില്‍ നിന്ന് ഇറക്കിവിട്ടതിനെ തുടര്‍ന്ന് വിദ്യാര്‍ത്ഥി അഞ്ജു പി. ഷാജി ആത്മഹത്യ ചെയ്ത സംഭവത്തില്‍ കുറ്റക്കാരെ അറസ്റ്റ് ചെയ്ത് നിയമത്തിന് മുന്നില്‍ കൊണ്ടുവരണമെന്ന് എസ്എന്‍ഡിപി ദേവട്രസ്റ്റ് എക്‌സിക്യുട്ടീവ് കമ്മിറ്റി പ്രമേയത്തിലൂടെ ആവശ്യപ്പെട്ടു. പഠനത്തില്‍ മികവ് പുലര്‍ത്തിയിരുന്ന കുട്ടിയെ, ഹാള്‍ടിക്കറ്റില്‍ ഉത്തരങ്ങള്‍ എഴുതി എന്നാരോപിച്ചാണ് പരീക്ഷാഹാളില്‍ നിന്നും ഇറക്കിവിട്ടതില്‍ മനംനൊന്താണ് ജീവനൊടുക്കിയത്. കടുത്തമാനസിക സമ്മര്‍ദ്ദത്തിലേക്ക് തള്ളിവിട്ടവര്‍ക്കെതിരെ കര്‍ശനനടപടി സ്വീകരിക്കണമെന്നാവശ്യപ്പെടുന്ന പ്രമേയം ട്രസ്റ്റ് സെക്രട്ടറി അഡ്വ. കെ.എം. സന്തോഷ്‌കുമാര്‍ അവതരിപ്പിച്ചു. ആക്ടിംഗ് ചെയര്‍മാന്‍ പി.എസ്. ശാര്‍ങ്ധരന്റെ അധ്യക്ഷതയില്‍ കൂടിയ യോഗത്തില്‍ വൈസ് ചെയര്‍മാന്‍ പി.ജി. മോഹന്‍ദാസ്, സുരേഷ് ഇട്ടിക്കുന്നേല്‍, പ്രദീപ് പ്ലാച്ചേരി, സതീഷ് മണി, ജയന്‍ വേണാട്ടുശേരില്‍, സജീവ് വയല, സോമന്‍ തടമുറിയില്‍, റ്റി.കെ. വാസു, മനോജ് ഈരാറ്റുപേട്ട, റ്റി.കെ. ലക്ഷ്മിക്കുട്ടി, ഷൈല മോഹന്‍, മനോജ് ഏന്തയാര്‍ എന്നിവര്‍ പങ്കെടുത്തു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.