റബ്ബർ, ഒട്ടുപാൽ, ചിരട്ടപ്പാൽ എന്നിവയ്ക്ക് ബജറ്റിൽ താങ്ങുവില ആവശ്യപ്പെട്ടു മാണി സി കാപ്പൻ നിവേദനം നൽകി

കോട്ടയം: കേന്ദ്ര സർക്കാരിൻ്റെ കാർഷിക വിരുദ്ധ നയങ്ങൾമൂലം ദുരിതമനുഭവിക്കുന്ന റബ്ബർ കർഷകർക്കു ആശ്വാസം പകരാൻ 2021-2022 ലെ സംസ്ഥാന ബജറ്റിൽ റബ്ബർ ഷീറ്റിന് 200 രൂപയും ഒട്ടുപാൽ, ചിരട്ടപ്പാൽ തുടങ്ങിയവയ്ക്ക്  150 രൂപയും താങ്ങുവില പ്രഖ്യാപിക്കണമെന്നാവശ്യപ്പെട്ടു മാണി സി കാപ്പൻ എം എൽ എ മുഖ്യമന്ത്രി പിണറായി വിജയൻ, ധനമന്ത്രി ഡോ തോമസ് ഐസക്ക് എന്നിവർക്കു നിവേദനം നൽകി. 

കേരളത്തിലെ കാർഷികമേഖലയാകെ തകർന്നിരിക്കുകയാണ്. പാലായിലെ പ്രധാന കാർഷിക ഉത്പന്നമായ റബ്ബറിന് സ്ഥിര വില ലഭിക്കാത്തതിനാൽ റബ്ബർ കർഷകർ ദുരിതത്തിലാണെന്നും മാണി സി കാപ്പൻ നിവേദനത്തിൽ ചൂണ്ടിക്കാട്ടി.