നിരോധിത മാഹി മദ്യം കടത്തിക്കൊണ്ടു വന്ന ഉള്ളനാട് സ്വദേശിയെ എക്സൈസ് പിടികൂടി

പാലാ: എക്സൈസ് വകുപ്പ് നടത്തിയ രാത്രികാല 

പട്രോളിങ്ങിൽ പ്രവിത്താനം കുരിശുപള്ളി ജംഗ്ഷന് സമീപം വെച്ച് കെഎസ്ആർടിസി ബസ്സിൽ മാഹിയിൽ നിന്നും കടത്തിക്കൊണ്ടുവന്ന   

കേരളത്തിൽ വില്പന നിരോധിച്ചിട്ടുള്ള 15 കുപ്പി  പുതുച്ചേരി (മാഹി) നിർമ്മിത മദ്യം പിടികൂടിയതായി എക്സൈസ് അധികൃതർ അറിയിച്ചു. 

ഇതുമായി ബന്ധപ്പെട്ട് ഉള്ളനാട് കളപ്പുരക്കൽ ബേബി ജോസഫ് (64) നെ എക്സൈസ് ഇൻസ്പെക്ടർ ഫിലിപ്പ് തോമസും പാർട്ടിയും ചേർന്ന് അറസ്റ്റ് ചെയ്തു കേസെടുത്തു.

 

ഞായറാഴ്ച വെളുപ്പിന്  പ്രവിത്താനം കുരിശുപള്ളി ജംഗ്ഷിനിൽ കെഎസ്ആർടിസി ബസ്സിൽ വന്നിറങ്ങി  നിൽക്കുമ്പോഴണ്, 15 കുപ്പി മാഹി മദ്യം സഹിതം അറസ്റ്റിൽ ആകുന്നതെന്നും അധികൃതർ വ്യക്തമാക്കി.

റെയ്‌ഡിൽ പാലാ റേഞ്ച് ഓഫീസിലെ എക്സൈസ്  ഇൻസ്പെക്ടർ  ഫിലിപ്പ് തോമസ്, അസിസ്റ്റന്റ് എക്സൈസ് ഇൻസ്പെക്ടർ അനീഷ്കുമാർ കെ വി, കോട്ടയം എക്സൈസ് ഇന്റലിജൻസ് ആൻഡ് ഇൻവെസ്റ്റിഗേഷൻ ബ്യൂറോ അസിസ്റ്റന്റ് എക്സൈസ് ഇൻസ്പെക്ടർ രഞ്ജിത്ത് നന്ദിയാട്ട്, പാലാ റേഞ്ച് സിവിൽ എക്സൈസ് ഓഫീസർ ജയദേവൻ ആർ തുടങ്ങിയവർ പങ്കെടുത്തു.