പാലാ: കുട്ടികൾക്കു മാനസികോല്ലാസം പകരുന്ന അന്തരീക്ഷം ഉണ്ടെങ്കിൽ പഠന നിലവാരം ഉയരുമെന്ന് മാണി സി കാപ്പൻ എം എൽ എ പറഞ്ഞു. പുലിയന്നൂർ ആശ്രമം എൽപി സ്കൂളിൽ വിനോദ, വിജ്ഞാന ഉപാധികളെ കൂട്ടിയിണക്കി തയ്യാറാക്കിയിരിക്കുന്ന കളിയൂഞ്ഞാൽ പാർക്കിൻ്റെ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിനോദത്തിലൂടെ പഠനം സാധ്യമാക്കിയാൽ കുട്ടികൾക്ക് വിദ്യാഭ്യാസം മധുരതരമാകുമെന്നും മാണി സി കാപ്പൻ പറഞ്ഞു.
മുത്തോലി പഞ്ചായത്ത് ആക്ടിംഗ് പ്രസിഡൻ്റ് രാജൻ മുണ്ടമറ്റം അധ്യക്ഷത വഹിച്ചു. ജോസ് പ്ലാക്കൂട്ടം, ഹരിദാസ്‌ അടമത്തറ, ജെസി ജോസ്, പുഷ്പ ചന്ദ്രൻ, ജി ബിന്ദു എന്നിവർ പ്രസംഗിച്ചു.
അര ഏക്കർ സ്ഥലത്ത് അഞ്ചുലക്ഷം രൂപ ചെലവിലാണ് ഈ പാർക്ക് നിർമ്മിച്ചിട്ടുള്ളത്. അമ്യൂസ്മെൻ്റ് പാർക്കുകളിൽ കാണുന്ന വിവിധ റൈഡുകളും അപൂർവ്വ ഇനം ഔഷധ സസ്യങ്ങളും കുട്ടികളെ ആകർഷിക്കുന്ന വിധം ക്രമീകരിച്ചിട്ടുണ്ട്. ആടാനും ചാടാനും കളിക്കാനും അതിലൂടെ പഠിക്കാനും കഴിയുംവിധം ശാസ്ത്രീയമായിട്ടാണ് പാർക്ക് സജ്ജീകരിച്ചിട്ടുള്ളത്.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.