പെട്രോൾ ഒഴിച്ചു അപായപ്പെടുത്താൻ ശ്രമം : പഞ്ചായത്ത് ജീവനക്കാരന് സസ്പെൻഷൻ

കോട്ടയം: കടനാട്‌ ഗ്രാമ പഞ്ചായത്ത് ഓഫീസിലെ സഹജീവനക്കാരുടെ മേൽ പെട്രോൾ ഒഴിച്ചു തീ കൊളുത്താൻ ശ്രമിച്ചുവെന്ന പരാതിയെക്കുറിച്ചു നടത്തിയ അന്വേഷണത്തെത്തുടർന്നു ആരോപണ വിധേയനായ പഞ്ചായത്തിലെ സീനിയർ ക്ലർക്ക് വി എൻ സുനിൽകുമാറിനെ സർവ്വീസിൽ നിന്നും സസ്പെൻഡുചെയ്തതായി പഞ്ചായത്ത് ഡെപ്യൂട്ടി ഡയറക്ടർ ബിനു ജോൺ അറിയിച്ചു. ബുധനാഴ്ചയായിരുന്നു സുനിൽകുമാർ പെട്രോളൊഴിച്ചു സഹപ്രവർത്തകരെ കത്തിക്കാൻ ശ്രമിച്ചുവെന്ന പരാതി ഉയർന്നത്.