പാലാ: എൻ സി സി ഉദ്യോഗസ്ഥനെ പാലാ നഗരസഭാ കൊച്ചിടപ്പാടി വാർഡിൽ പെടുന്ന മൂന്നാനി ഭാഗത്ത് ക്വാറൈൻറയിനിൽ അയച്ചത് എട്ടാം വാർഡ് മോണിട്ടറിംഗ് കമ്മിറ്റിയെ അധികൃതർ അറിയിച്ചില്ലെന്നാക്ഷേപം. കർണ്ണാടകയിൽ നിന്നും എത്തിയ ഉദ്യോഗസ്ഥൻ്റെ വിവരമാണ് വാർഡ് മോനിറ്ററിംഗ് കമ്മിറ്റിയെ അറിയിച്ചില്ലെന്ന പരാതി ഉയർന്നിരിക്കുന്നത്.
ഇത് വാർഡിൽ ആശങ്കയ്ക്ക് ഇടയാക്കിയിരിക്കുകയാണ്. കഴിഞ്ഞ മാസം എട്ടാം വാർഡിൽ എത്തിയ മൂവാറ്റുപുഴക്കാരായ മൂന്ന് പേർ ക്വാറൈറ്റെയിൻ ലംഘിച്ച സംഭവം യധികം വിവാദത്തിന് വഴിവച്ചിരുന്നു. ഇവർക്കെതിരെ നടപടി എടുക്കണമെന്ന് നഗരസഭ കൗൺസിൽ ആവശ്യപ്പെട്ടിട്ടുണ്ട്. ഇതിനു പിന്നാലെയാണ് ഇപ്പോഴത്തെ സംഭവം.
എൻ സി സി ഉദ്യോഗസ്ഥൻ കർണ്ണാടകയിൽ നിന്നും വാളയാർ ചെക്കു പോസ്റ്റുവഴി സ്വന്തം വാഹനത്തിലാണ് മൂന്നാനിയിൽ മൂന്നാം തിയതി എത്തിയത്. വാളയാറിൽ റിപ്പോർട്ടു ചെയ്തപ്പോൾ ഇവിടെ അറിയിക്കുമെന്ന് കരുതിയതായി എൻ സി സി ഉദ്യോഗസ്ഥൻ പറഞ്ഞു. താൻ ക്വാറൈൻറയിൻ പാലിക്കുന്നുണ്ടെന്നും ആശങ്കയ്ക്ക് അടിസ്ഥാനമില്ലെന്നും അദ്ദേഹം പറഞ്ഞു.
വാർഡിലെ ആശാ വർക്കർ ബിജിമോൾ ബാബു വിവരങ്ങൾ ശേഖരിച്ചു നഗരസഭയ്ക്കു കൈമാറി.
ക്വാറൈൻറയിനിൽ എത്തുന്ന ആളുകളുടെ വിവരങ്ങൾ ഉടനടി തദ്ദേശ സ്വയംഭരണ സ്ഥാപനങ്ങൾ വഴി മോണിട്ടറിംഗ് കമ്മിറ്റിയെ അറിയിക്കാൻ നടപടി വേണമെന്ന് വാർഡ് കൗൺസിലർ ടോണി തോട്ടം ആവശ്യപ്പെട്ടു.
വിവരം പാലാ പോലീസിൽ അറിയിക്കാൻ നഗരസഭയിൽ നിർദ്ദേശം നൽകിയതായും കൗൺസിലർ ടോണി തോട്ടം അറിയിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.