കടനാട്: പഞ്ചായത്ത് ജീവനക്കാരൻ സഹജീവനക്കാർക്കു മേൽ പെട്രോൾ ഒഴിച്ചു കത്തിക്കാൻ ശ്രമിച്ചതായി പരാതി. തീ കത്തിക്കാൻ തീപ്പട്ടിയുരച്ചപ്പോൾ മറ്റു ജീവനക്കാർ പിടികൂടിയതോടെ വൻ ദുരന്തം ഒഴിവായി. കടനാട് ഗ്രാമപഞ്ചായത്തിലെ യു ഡി ക്ലർക്ക് സുനിലാണ് പെട്രോളൊഴിച്ചു കത്തിക്കാൻ ശ്രമിച്ചതെന്നു സഹ ജീവനക്കാരും പഞ്ചായത്ത് പ്രസിഡൻറും പോലീസിനെ അറിയിച്ചു. സംഭവം അറിഞ്ഞെത്തിയ മേലുകാവ് പോലീസ് സുനിലിനെ കസ്റ്റഡിയിലെടുത്തു. ജീവനക്കാർക്കു മേൽ പെട്രോൾ വീണതോടെ പലരും ഇറങ്ങിയോടി. പഞ്ചായത്ത് ഓഫീസിൽ പെട്രോൾ വീണ നിലയിലാണ്.
ഇവിടെ ജോലി നോക്കുന്ന സുനിൽ ഓഫീസിൽ സ്ഥിരമായി എത്താറില്ലെന്നു പഞ്ചായത്ത് പ്രസിഡൻ്റ് ജയ്സൺ പുത്തൻകണ്ടം പറഞ്ഞു. പല തവണ മെമ്മോയും നൽകിയിരുന്നു. ജോലിക്കു ഹാജരാകാത്ത ദിവസത്തെ ഒപ്പും വരുന്ന ദിവസം ഇടുന്ന പതിവ് ഇയാൾക്കുണ്ടെന്ന് പ്രസിഡൻ്റ് പറഞ്ഞു. സെക്രട്ടറിയെ ഇന്ന് ഭീഷണിപ്പെടുത്തി ഒപ്പിട്ടത് സെക്രട്ടറി വിളിച്ചു പറഞ്ഞതായി ജയ്സൺ വ്യക്തമാക്കി. അച്ചടക്ക ലംഘനം തുടർച്ചയായ സാഹചര്യത്തിൽ സസ്പെൻഡു ചെയ്യാനുള്ള നടപടിക്രമം നടത്തി വരുന്നതിനിടെ ഓഫീസിൽ എത്തിയ സുനിൽ പെട്രോൾ ജീവനക്കാർക്കു മേൽ ഒഴിച്ചു തീപ്പട്ടി കത്തിക്കുകയായിരുന്നുവെന്ന് ജെയിസൺ പുത്തൻകണ്ടം പറഞ്ഞു. ജീവനക്കാരുടെ സമയോചിതമായ ഇടപെടലാണ് ദുരന്തം ഒഴിവാക്കാൻ ഇടയായതെന്നും പ്രസിഡൻ്റ് കൂട്ടി ചേർത്തു. ഇതുമായി ബന്ധപ്പെട്ടു സെക്രട്ടറിയും അസിസ്റ്റൻറ് സെക്രട്ടറിയും ആശുപത്രിയിൽ ചികിത്സ തേടി. സുുനിലിനെ കസ്റ്റഡിയിൽ എടുത്തെങ്കിലും പഞ്ചായത്ത് പരാതി നൽകിയിട്ടില്ലെന്നു പോലീസ് പറഞ്ഞു. പരാതി ഇന്ന് നൽകുമെന്ന് പ്രസിഡൻ്റ് അറിയിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.