പാലാ: മാണി സി കാപ്പൻ എം എൽ എ ചെയ്യുന്ന പ്രവർത്തിയുടെ പിതൃത്വം ഏറ്റെടുക്കാൻ ചിലർ നടത്തുന്ന ശ്രമം അപഹാസ്യമാണെന്ന് എൻ സി പി ബ്ലോക്ക് കമ്മിറ്റി കുറ്റപ്പെടുത്തി. കഴിഞ്ഞ അഞ്ചു വർഷത്തിലേറെക്കാലമായി കളരിയാമ്മാക്കൽ പാലം പാലാ ഭാഗത്ത് അപ്രോച്ച് റോഡും മീനച്ചിൽ പഞ്ചായത്ത് ഭാഗത്ത് വഴിയും അപ്രോച്ച് റോഡും ഇല്ലാതെ കിടക്കുകയായിരുന്നു. കോടികൾ മുടക്കി പാലം പൂർത്തികരിച്ചിട്ടും പ്രയോജനരഹിതമായി കിടക്കുകയായിരുന്നു. തുടർന്നു മാണി സി കാപ്പൻ എം എൽ എ ആയപ്പോൾ നാട്ടുകാർ വിഷയം ശ്രദ്ധയിൽപ്പെടുത്തി. തുടർന്നു തിരുവനന്തപുരത്ത് മുഖ്യമന്ത്രിയുമായി നേരിട്ടു ചർച്ച നടത്തി നടപടിക്രമങ്ങൾക്കു വേഗത കൂട്ടി. ഇതിൻ്റെ അടിസ്ഥാനത്തിൽ മെയ് 28-ന് ആർ ഡി ഒ സ്ഥലം സന്ദർശിക്കുകയും തുടർന്നു നടപടികൾ ആരംഭിക്കുകയും ചെയ്യുകയാണുണ്ടായത്. യാഥാർത്ഥ്യം ഇതായിരിക്കെ ചില തത്പര കക്ഷികൾ എട്ടുകാലി മമ്മൂഞ്ഞ് ചമയുകയാണെന്നു കമ്മിറ്റി ആരോപിച്ചു. പൊതുജനങ്ങളെ തെറ്റിദ്ധരിപ്പിക്കാനുള്ള ഇത്തരം ശ്രമങ്ങൾ പാലായിലെ ജനം തള്ളിക്കളയുമെന്നും കമ്മിറ്റി പറഞ്ഞു.പ്രസിഡൻ്റ് ജോഷി പുതുമന അധ്യക്ഷത വഹിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.