ഭരണങ്ങാനം: ചിറ്റാനപ്പാറ ഓംറാം ലൈബ്രറിയുടെ ആഭിമുഖ്യത്തിൽ നാടൻ കാന്താരി വിത്തുകൾ സൗജന്യ വിതരണത്തിന് തയ്യാറായി. കൊറോണാക്കാലത്ത് ലൈബ്രറി അംഗങ്ങൾ ശേഖരിച്ച വിത്തുകളാണ് സൗജന്യമായി വിതരണം ചെയ്യുന്നത്. രാസവളമോ കീടനാശിനിയോ ഉപയോഗിക്കാത്ത നാടൻ കാന്താരി ചീനികളിൽനിന്നും ശേഖരിച്ച് ഉണക്കിയെടുത്ത വിത്തുകളാണ് വിതരണം ചെയ്യുന്നത്.
സൗജന്യ വിത്ത് വിതരണോൽഘാടനം മഹാത്മാഗാന്ധി നാഷണൽ ഫൗണ്ടേഷൻ ചെയർമാൻ എബി ജെ ജോസിനു നൽകി മാണി സി കാപ്പൻ എം എൽ എ നിർവ്വഹിച്ചു. ചടങ്ങിൽ ഓംറാമിൻ്റെ 'പ്രപഞ്ച സംക്ഷേപ വേദാർത്ഥം' എന്ന പുസ്തകത്തിൻ്റെ രണ്ടാം പതിപ്പ് എം എൽ എ പ്രകാശനം ചെയ്തു.
ലൈബ്രറി പ്രസിഡൻ്റ് സജീവൻ എ ഡി അദ്ധ്യക്ഷത വഹിച്ചു. ബുക്ക് മീഡിയാ ഡയറക്ടർ റോയി ജേക്കബ്, അരവിന്ദ്‌ റോയി എന്നിവർ പങ്കെടുത്തു. സൗജന്യമായി വിത്തുകൾ ലഭിക്കുന്നതിന് 9447536240 എന്ന നമ്പരിൽ ബന്ധപ്പെടണമെന്ന് ഭാരവാഹികൾ അറിയിച്ചു.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.