പാലാ: ലഹരിക്കെതിരെ സമൂഹം ജാഗ്രതപാലിക്കണമെന്ന് പാലാ നഗരസഭ ആക്ടിംഗ് ചെയർപേഴ്സൺ ബിജി ജോജോ പറഞ്ഞു. സംസ്ഥാന എക്സൈസ് വകുപ്പ്, പാലാ മുനിസിപ്പൽ ലൈബ്രറി എന്നിവയുടെ ആഭിമുഖ്യത്തിൽ സ്കൂൾ-കോളജ് വിദ്യാർത്ഥികൾക്കായി സംഘടിപ്പിച്ച ലഹരി വിരുദ്ധ സെമിനാർ ഉദ്ഘാടനം ചെയ്തു സംസാരിക്കുകയായിരുന്നു അവർ. പാലാ എക്സൈസ് സർക്കിൾ ഇൻസ്പെക്ടർ രാഗേഷ് ബി ചിറയത്ത് അധ്യക്ഷത വഹിച്ചു. നഗരസഭ സ്റ്റാൻ്റിംഗ് കമ്മിറ്റി ചെയർമാൻ ബൈജു കൊല്ലംപറമ്പിൽ, ആശ മരിയ പോൾ, എബി ജെ ജോസ്, സിസിലി പി, എക്സൈസ് ഇൻസ്പെക്ടർമാരായ ഫിലിപ്പ് തോമസ്, ദിനേഷ് ബി എന്നിവർ പ്രസംഗിച്ചു. സമൂഹത്തിൽ വർദ്ധിച്ചു വരുന്ന ലഹരി ഉപയോഗത്തിൻ്റെ പ്രത്യാഘാതങ്ങൾ എന്ന വിഷയത്തെ ഡോ ശ്രീജിത്ത് കെ കെ, ഫിലിപ്പ് തോമസ് എന്നിവർ ബോധവൽക്കരണ ക്ലാസ്സുകൾ എടുത്തു.
ഫോട്ടോ അടിക്കുറിപ്പ്
സംസ്ഥാന എക്സൈസ് വകുപ്പ്, പാലാ മുനിസിപ്പൽ ലൈബ്രറി എന്നിവയുടെ ആഭിമുഖ്യത്തിൽ സംഘടിപ്പിച്ച ലഹരി വിരുദ്ധ സെമിനാർ പാലാ നഗരസഭ ആക്ടിംഗ് ചെയർപേഴ്സൺ ബിജി ജോജോ ഉദ്ഘാടനം ചെയ്യുന്നു. ആറ്റ്ലി പി ജോൺ, എബി ജെ ജോസ്, ബൈജു കൊല്ലംപറമ്പിൽ, രാഗേഷ് ബി ചിറയാത്ത്, ഫിലിപ്പ് തോമസ്, സിസിലി പി, ആശ മരിയ പോൾ, ദിനേശ് ബി എന്നിവർ സമീപം.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.