സഭയുടെ കൽക്കട്ട ഭദ്രാസന അധിപനുമായ അലക്സിയോസ് മാർ യൗസേബിയൂസ് ഉദ്ഘാടന കർമ്മം നിർവഹിച്ചു. തുർക്കി, നിഖ്യ സ്ഥലങ്ങൾ സന്ദർശിക്കാൻ ഇടയായപ്പോൾ വലിയ ക്രൈസ്തവ ദേശങ്ങൾ ഇന്ന് ക്രൈസ്തവമല്ലാത്ത സാഹചര്യങ്ങളിൽ എത്തിയിരിക്കുന്നത് നമ്മൾ പഠിക്കുകയും വേണ്ട ജാഗ്രത പുലർത്തുകയും ചെയ്യേണ്ട കാര്യങ്ങൾ ആണെന്ന് ഉദ്ഘാടന പ്രസംഗത്തിൽ ഓർമിപ്പിച്ച അദ്ദേഹം ലോകത്തിലെയും രാജ്യത്തിലെയും വിവിധ പ്രശ്നങ്ങൾക്ക് ക്രൈസ്തവർ ഒന്നിച്ചു നിന്നാൽ വലിയ പരിഹാരങ്ങൾ ഉണ്ടെന്നു വ്യക്തമാക്കി. വേലനിലം സൺഡേ സ്കൂളിലെ കുട്ടികൾ എഴുതിയ വർത്തമാന പുസ്തകത്തിന്റെ കയ്യെഴുത്ത് പ്രതി, വർത്തമാന പുസ്തകത്തിന്റെ ആധുനിക മലയാളത്തിൽ ജോൺ മാളിയേക്കൽ സാർ തയ്യാറാക്കിയ പതിപ്പ്, EWS, ജാതി സെൻസസ് എന്നീ വിഷയങ്ങൾ പഠിച്ച് അരുവിത്തുറ ദേശ ഭാരവാഹികൾ തയ്യാറാക്കിയ റിപ്പോർട്ട് എന്നിവ യോഗത്തിൽ അഭിവന്ദ്യ പിതാക്കന്മാർ പ്രകാശനം ചെയ്തു.
പാലാ രൂപത വികാരി ജനറൽ മോൺ. ജോസഫ് മലേപ്പറമ്പിൽ, കടനാട് ഫൊറോനാ പള്ളി വികാരി ഫാ. ജോസഫ് പാനാമ്പുഴ, പൊതു പ്രവര്‍ത്തകനും പാറേമാക്കൽ കുടുംബാംഗവുമായ ടോമി കല്ലാനി, നസ്രാണി സമുദായ നേതാവ് യാക്കോബായ സഭയിലെ ഷെവ. ഉമ്മച്ചൻ വേങ്കടത്ത് തുടങ്ങിയവർ ആശംസകൾ അർപ്പിച്ച് സംസാരിച്ചു.
1736 സെപ്റ്റംബർ 10-ന് ജനിച്ച മാർ തോമാ കത്തനാരുടെ എട്ടുവർഷം നീണ്ട റോമാ-പോർച്ചുഗൽ യാത്രയും, സഭയുടെ നേതൃത്വപരമായ പങ്കും, ടിപ്പുസുൽത്താന്റെ പടയോട്ടക്കാലത്തെ സാഹസികമായ പ്രവർത്തനങ്ങളും, ‘വർത്തമാനപുസ്തകം’ എന്ന യാത്രാവിവരണ ഗ്രന്ഥത്തിൻ്റെ രചനയും അദ്ദേഹത്തെ അതുല്യപ്രതിഭയാക്കി. ഇരുപതാം നൂറ്റാണ്ടിലെ സഭൈക്യ മുന്നേറ്റങ്ങൾക്ക് നൂറ്റാണ്ടുകൾക്ക് മുമ്പേ സഭകളുടെ ഐക്യം പ്രാവർത്തികമാക്കിയ ദീർഘദർശിയായി അദ്ദേഹം വിലയിരുത്തപ്പെടുന്നു. മാർത്തോമ്മാ മാർഗത്തെയും സുറിയാനി പാരമ്പര്യങ്ങളെയും ഇല്ലാതാക്കി യൂറോപ്പിലെ ആചാരങ്ങൾ നടപ്പിലാക്കാൻ ശ്രമിച്ച പാശ്ചാത്യ മിഷണറിമാരോടുള്ള മലങ്കരയിലെ നസ്രാണികളുടെ ചെറുത്തുനിൽപ്പ് വർത്തമാന പുസ്തകത്തിൽ പ്രകടമാണ്. മാർത്തോമ ആറാമൻ, കരിയാറ്റിൽ മാർ യൗസേപ്പ് മൽപ്പാൻ എന്നിവരെയും പാറേമ്മക്കലിനൊപ്പം അനുസ്മരിച്ചു. വിവിധ ദേശങ്ങളിൽ നിന്നുള്ള നസ്രാണി സമുദായ പ്രതിനിധികൾ യോഗത്തിൽ സംബന്ധിച്ചു.
ഫോട്ടോ അടിക്കുറിപ്പ് ഗോവർണദോർ പാറേമ്മാക്കൽ തോമ്മാ കത്തനാരുടെ ജന്മസ്ഥലമായ കടനാട്ടിൽ നടന്ന 290-)o ജന്മദിനാഘോഷ സമ്മേളനത്തിന് കെ സി സി ചെയർമാൻ അലക്സിയൂസ് മാർ യൗസേബിയോസ് തിരുമേനി തിരി തെളിയിക്കുന്നു. ബിഷപ്പ് മാർ ജോസഫ് കല്ലറങ്ങാട്ട്, പാലാ രൂപത എസ് എം വൈ എം ഡയറക്ടർ ഫാ. മാണി കൊഴുപ്പൻകുറ്റി, വികാരി ജനറൽ ഫാ. ജോസഫ് മലേപ്പറമ്പിൽ, മുണ്ടക്കയം ഫൊറോന വികാരി ഫാ. ജെയിംസ് മുത്തനാട്ട്, കടനാട് ഫൊറോന വികാരി ഫാ. ജോസഫ് പാനാമ്പുഴ, ഷെവ. ഉമ്മച്ചൻ വേങ്കടത്ത് ( യാക്കോബായ സഭ ), വിവിധ ദേശങ്ങളിൽ നിന്നുള്ള വൈദികർ, നസ്രാണി പ്രതിനിധികൾ , ജനപ്രതിനിധികൾ തുടങ്ങിയവർ സമീപം.
0 Comments
ഇവിടെ കൊടുക്കുന്ന അഭിപ്രായങ്ങള്‍ പാലാ ടൈംസിന്റേതല്ല. സോഷ്യല്‍ മീഡിയകള്‍ വഴി കമന്റ് ചെയ്യുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തിപരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം കുറ്റകരവും ശിക്ഷാര്‍ഹവുമാണ്.